خاله اتهدي اوهيدي

ميسون نعيم الرومي

الحوار المتمدن-العدد: 7347 - 2022 / 8 / 21 - 15:46
المحور: الادب والفن
    

*خاله اتهدي اوبسچ ..هيدي – دورچ نفسه اوبيه اتعيدي
يوميه امگبعه ! اشبيچ انتي؟ – عاديتي الشعبي واتكيدي
للسفله اتسندين ..اشجالچ ؟– والشگره انتي ! وانتي الليدي*
اتهـَـدّي (يجنين) اوهيدي
***
تشرين اولاد البي ذبحـَـوْ – بـيـدچ حـَـلهـَه اوموش ابإيـدي
اكروش اعتاوي اوهالحكمت – ما ضن شعبي ايظل اعبيدي
اشكثر اسـنين ابجور او مرت – ما حصـّـلـنه .. بس اوعـيـدي
خاله اتهدي ! بسچ هيدي
***
سنجار المسبيه .. انعدمت – ارجال اونسوان .. اووليدي
(سـنجار) المنسيه اتـنـادي – مظلوم الإسـمك (ايـزيدي)-
يا فدوه اوموش انتي اوچنچ – اتعرفين اتبلفـين اتجيدي
كافي ياخاله اوبس ! هيدي
***
يا شعب اجروحه البس تنزف – منكم متروسات اصديدي
سـارق نـَـصبـتـوْ .. او هـم سافل – نيتكم للشعب اتبيدي
قسمتوه الشـعـب امفصخ – واليـربطنه اعراق اوريدي
اتعبنه يا خاله اوهيدي
***
متحدين .. الإيد ابإيدي – واعراقي سـيسـانـه احديدي
واحضارتنه التشهد ! (خاله) – متمدن ! تسبيه اتريدي؟
-(مجلس أمن) الدزچ مثلچ – مجرم .. وابدگاته اتشيدي
وانتي الخاله الإسمچ (ليدي)-
***
اتعبنه (اجنين) اوملينه !! عينوچ انتي ساعي ابريدي؟
عـدّة مـرات اخذلتينه – اچذبتي او عَ الوعد اتحيدي
مـَـنـْـريدچ .. مـَـلينه اتعبنه – تغييرچ ! هدف ابتحديدي
خاله (ابلسخارت) اشوي هيدي – دوري .. اودورچ ! نفسه اواعيدي
----------------------------------------------------------------
*خاله:- مستعارة من ثوار تشرين الذين يطلقون لقب خالة على
(جانين هينيس بلاسخارت) الممثلة الخاصة للأمين العام للأمم المتحدة في العراق
---------------------------------------------------------------------------
*الشكره الليدي :- (جانين هينيس بلاسخارت)

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجر	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات