مصطفي النجار
الحوار المتمدن-العدد: 1680 - 2006 / 9 / 21 - 02:11
المحور:
كتابات ساخرة
البت من مصر الجديدة
بتتمشي في مدينه نصر
بتصحى من النوم العصر
وبتفطر نسكافيه وقطعة خس
واحد اتنين البت رايحه فين
البت في المهندسين
ماشيه علي البسين
حالقه عالموضه دجراديه
وعلى طريقه فكتوريا
خلى الترماي بدورين
واحد اتنين البت رايحه فين
البت الحلوة كيتي
زي الفن التكعيبي
كله بتنجان يا حبيبي
الظاهر واخد عين
والباطن واخد مين
واحد اتنين البت رايحه فين
البت رايحه الخليج
مفهاش حيل تهز وتعلي
يا زمن هز وسطي
اش فيك يا غراب البين
واحد اتنين البت رايحه فين
الرقص الشرقي في تونس
اخضر مثل البقدونس
وعزيزه بتعشق يونس
يبقى الدلع علي واحدة ونص
واحد اتنين البت رايحه فين
البت شكلها سوداني
سامع رنت خلخالي
هو انا دايس فرداني
ولا العيب في وداني
يالا ارجع يا ابو زيزي
واحد اتنين البت رايحه فين
البت ماشيه عريانه
يوم ما انضربت م الحكومة
وسكتت علي البوس زمان
واحد اتنين البت رايحه فين
#مصطفي_النجار (هاشتاغ)
كيف تدعم-ين الحوار المتمدن واليسار والعلمانية
على الانترنت؟