أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - عباس موسى الكعبي - حوار بين عراقيين قبل 2003














المزيد.....


حوار بين عراقيين قبل 2003


عباس موسى الكعبي

الحوار المتمدن-العدد: 6779 - 2021 / 1 / 5 - 17:50
المحور: كتابات ساخرة
    


-الأول: أگٌلك تدري لو يطيح صدام شنو عدنه من كفاءات بالخارج؟!
-الثاني: لابشرفك! تعرف واحد بيهم؟
- الأول: واحد شنو ! دگول بالألاف.. أكو واحد عالم ذرة اسمه الشهرستاني هذا إذا لزم النفط والصناعة والكهرباء يسوي العراق جنة.. خو أكو واحد اسمه الجعفري فيلسوف بالسياسة الخارجية، حتى كيسنجر يتعلم منه.. و واحد آخر اسمه خضير الخزاعي، هذا اذا لزم التعليم، يابووووية، دول المنطقة تروح بالطين، يا امارات يا قطر.. خوب اذا اجة فلاح السوداني، هذا يسمونة راهب حزب الدعوة، هذا يبچي ويظل يلطم من يشوف فقير وماينام ليله ولا نهاره.. بالمناسبة عدهم اقتصاديين يشگون الگاع، منهم واحد اسمه علي العلاق هذا يلزم التراب يحوله ذهب.. عمي يعتمدون على كتاب اقتصادنا.. شعبالك!.. وداعتك يسوون العراق أغنى من اليابان، حتى الدنمارك راح تحسدنا.
- عااااا لابشرفك !!!
- أي وداعت السيد..
- ولك يا سيد!!!؟
- هاي شبيك السيد الريس، أنت وين راح بالك. .
- ونعيش برغيد وسعادة.. اي كمل.. وبعد أكو غيرهم؟
- أي يمعود اكو حزب الدعوة، ذول كلهم علماء وعباقرة مثل حسن السنيد وعباس البياتي وسامي العسكري، واكو واحد عبقري اسمه جواد المالكي، هذا فضيع شريف وصادق ويموت عل العراق.. واكو هواي غيرهم.. بلكي الله ويجون.. صدگ چذب.. راح تشوف بعينك شلون يقفز البلد للسما..
هاه نسيت، أكو علمانيين مثل واحد اسمه الدكتور أياد علاوي هذا لو يلزم الطب نصير إحنا نعالج العالم وحتى اوربا كلها تجيلنه ..ايه وداعتك..
- أوووف يمتة يطيح صديم ونشوف العراق شلون يطگ.. والعراقي راح يطب لاي مطار بالعالم بهيبة واحترام..
- خرب عرضك صدام هذول كلهم طاردهم وحارمنه من علومهم وخبرتهم؟!
- چا نسيت أگلك أكو واحد مختص بالأمن القومي اسمه موفق الربيعي هذا راح يسوي العراق مثل جنيف.. يصير النوم رغد.. تشمر فلوسك بالگاع، ورة يوم تجي تلگاها على حطتهة.. عوف بيتك مفتوح عوف سيارتك مفتوحة وين ما كان. .
- هاااا وبعد عدنا السادة يمعود بيت الحكيم هذول بعد من اسمهم لو يحكمونه يصير العراق دولة العدل الالهي، وبعد ماكو ظلم ولا اضطهاد.. ناس بسيطة تگعد عل البساط وتاكل شوربة ماش وزاهدة بالدنيا.. الكل ياخذ حقه وماكو اي فرق بين الناس.. يمعود سادة يخافون الله..
- زين وكردستان شلون؟
- لا إذا طاح صدام نطب ونطلع عادي لان هسه مشكلتهم بس وية صدام.. ماراح يعوفون العراق ابد لان يموتون على العرب..
- زين ودول الجوار، راح تعوفنا بحالنا؟؟
- صدگ چذب.. دول الجوار شنو.. يمعود الراح يجونك علماء بالزراعة والصناعة والاقتصاد، وداعتك إلا نخليهم يركضون ورانا مثل الچلاب.. بس اصبر.. بعد كم سنة ونتلاگة انة وياك.. وراح اذكرك بلقاءنا هذا..
- يمعود خاف يطيح وتطلع كلها كلاوات؟؟
- خاب گوووم ولك إذا على أهل الدين هذول يدورون الآخرة مايبوگون أبد.. انسى.. وإذا على اللي بالخارج فهذول شايفين وعايفين.. ايه طبعا.. ادعي وياي، وين الله ويجون..

بعد 17 سنة تلاگوا الشباب وبدون كلام .. واحد تفل بوجه الثاني!!..

بتصرف



#عباس_موسى_الكعبي (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجر
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (1)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- سادة وعبيد
- بهائم بشرية
- بداية بلا نهاية...!؟
- هلاوس كورونية.. (1)
- هلاوس كورونية (2)
- اعترافات عربي مغفل ..
- قبل ثلاث سنوات..
- اضحك فأنت في العراق
- رسالة من احد ضحايا فايروس كورونا ..
- حتى مطلع الفايروس
- The Beginning of COVID-19
- طاعون كامو.. بين المتعة والخوف من كورونا القاتل...
- مشروع التعريف بالكتاب والادباء العراقيين ومنجزاتهم - الحلقة ...
- مشروع التعريف بالكتاب والادباء العراقيين ومنجزاتهم - الحلقة ...
- رسالة شديدة اللهجة الى استاذي الدكتور الجامعي المبجل
- كلنا مزيفون - دراسة في رواية الحارس في حقل الشوفان للكاتب ج. ...
- لست في وطنك
- التملق والنفاق الاجتماعي في رواية السقطة للبير كامو
- تحليل رواية السقطة للبير كامو - ازمة الضمير الانساني
- السوك الهمجي في مجتمعاتنا العربية - العراق نموذجا


المزيد.....




- صالون الفنان -مصطفى فضل الفنى والأدبى-فى ندوته مساء الخميس ا ...
- جماليات الوصف وتعطيل السرد.. -حكاية السيدة التي سقطت في الحف ...
- بعد نيله جائزة -برلمان كتاب البحر الأبيض المتوسط-.. الكاتب ا ...
- فيلم يسلط الضوء على انتهاكات كييف
- المتحف البريطاني يختار الفرنسية اللبنانية لينا غطمة لـ-أحد أ ...
- العربية في إيران.. لغة -أم- حية بين الذاكرة والتحديات
- فيديو.. متهم يهرب من نافذة المحكمة بطريقة سينمائية
- فيديو.. أول ظهور للفنانة المغربية دنيا بطمة بعد السجن
- سجلات الليدرشيت يشعل النقاش حول القيادة
- المخرج السوري هيثم حقي لـ CNN بالعربية: -لا نريد سوى سوريا ا ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - عباس موسى الكعبي - حوار بين عراقيين قبل 2003