بعيني شوفتكم نهر

محمد جلاب البديري

الحوار المتمدن-العدد: 4125 - 2013 / 6 / 16 - 08:49
المحور: الادب والفن
    

صرت غربه وحزن ناي
بهيمه ظلمه وعطش ماي
عاشگ وتايه بدربه
والگلب نابض بحبّه
هلي دنياي أصبحت ظلمه بحزنهه
إوِجع غُربه
وبِعْدَو الچنت آنه أوِدهم
عِطش شوگي شلون أشِربه
يمته أشوف الدنيه فرحه
وتسهر وياي
ونتو غنْوَة طير
غنّاهه إبسماي
....
..
سنيني غنْوَه إلكم تحن
يل عشكم ضِوَه گمره
بغربه خلاّني أمتحن
وكتي ضاع هلال عمره
شمعه دنياي بوصلكم
والدمع گطره العطشكم
إبعيني شوفتكم نهر
تضحك إبشاطيه السفن
....
سنيني چانت نبع فرحه
ترفرف بديرة أهلنه
ويافرات العِشَگ دجله
شمحله عِرس بروض جنّه
چنت فايض بالأمل
وعودي ريحان إنشتل
هَسّه طير مسافر إويه الريح أوِن
....
سنيني شذره بنص گُمر
شمعه ومُحِب لحبابه
مهموم ماخذني البُعد والگلب ماسد بابه
صار السفر بيكم حلم
ويّامي تاهة بيهه أَهِم
حتى الصبر من شوگي راويّتَه الحِزن
سنيني غنٍوَه إلكم تحن

#محمد_جلاب_البديري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجر	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امي

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات